شروط الانضمام
أهلًا بيك في مجتمع رفيق 💚 قبل ما تبعت بياناتك، اقرا الشروط دي. هي قصيرة وواضحة، ومعمولة عشان تحمي حقك وحقنا.
مين يقدر ينضم؟
أي صانع محتوى أو فوتوجرافر أو فيديوجرافر عنده 18 سنة أو أكتر، بشرط إن البيانات اللي يبعتها عن نفسه وعن حساباته وشغله تكون حقيقية وصحيحة.
التقديم مش معناه اتفاق شغل
لما تبعت الفورم، بتنضم لقاعدة بيانات المبدعين عندنا. اختيار المبدعين لكل مشروع بيكون حسب احتياج البراند ونوع الشغل. ولو فيه فرصة مناسبة، هنتواصل معاك.
كل مشروع ليه اتفاقه
قبل أي شغل، هنتفق معاك كتابيًا على كل التفاصيل: المطلوب، والمواعيد، والمقابل المادي، وعدد التعديلات، وحقوق استخدام المحتوى. مفيش شغل بيبدأ من غير اتفاق واضح.
حقوق المحتوى
حقوق استخدام المحتوى أو الصور اللي بتعملها لمشروع معيّن بتتحدد في اتفاق المشروع نفسه: فين هيتنشر، ولمدة قد إيه، وهل هيتعمل بيه إعلانات ممولة.
السرية
أي معلومات تعرفها عن البراند أو المشروع قبل ما يتنشر رسمي، زي منتج جديد أو عرض أو أسعار، بتفضل سرية لحد ما البراند ينشرها بنفسه.
الشفافية مع الجمهور
المحتوى المدفوع لازم يتوضّح إنه إعلان أو تعاون، حسب سياسات كل منصة.
الاحترافية
بنتوقع منك الالتزام بالمواعيد، والتواصل الواضح، واحترام البراند والجمهور. ومن حقنا ننهي التعاون لو حصل إخلال بالاتفاق أو بالشروط دي.
بياناتك في أمان
بنستخدم بياناتك بس عشان نتواصل معاك بخصوص فرص الشغل. مش بنبيعها ولا بنديها لحد. ولو اتختارت لمشروع، هنشارك مع البراند المعلومات اللي يحتاجها المشروع وبس، وبعد ما نبلّغك.
تقدر تمشي في أي وقت
لو عايز تشيل بياناتك من مجتمع رفيق، ابعتلنا على واتساب 01012661340 أو على إيميل rafiqagency2@gmail.com، وهنمسحها.
تحديث الشروط
ممكن نحدّث الشروط دي من وقت للتاني، وهتلاقي أحدث نسخة دايمًا في الصفحة دي.